2017 оны 05 дугаар сарын 17-ны өдөр Сэвсүү-Жараахай багийн ИНХ-д ИТХ-ын дарга Д.Тэгшээ , Засаг дарга Б,Баттулга нар үүрэгт ажлаа хүлээн авснаас хойш хийж хэрэгжүүлсэн ажил болон сумын цаг үеийн мэдээлэл хийж иргэдийн асуултанд хариулт өглөө. Нийгмийн даатгалын байцаагч Б.Баяр иргэдэд товч мэдээлэл хийж сонирхсон асуултанд хариулт өгч ажиллалаа. Багийн эмч эх баригч эмч Ц.Тунгалаг аймгийн Засаг даргын захирамжийн дагуу Эрүүл цус аяны хүрээнд бэлгийн замын халдварт өвчнийг илрүүлэх шинжилгээнд 15-55 насны иргэдийг хамруулах, эмнэлэгийн нийгмийн ажилтан Ч.Мөнхцэцэг Эмийн зохистой хэрэглээ сэдвээр сургалт, сурталчилгаа зохион байгуулах, чийрэгжүүлэлтийн арга зүйч Ц.Балжидмаа биеийн жингийн индекс тодорхойлох , иргэдийн цусны даралт үзэж зөвлөгөө өгөх үйлчилгээг явуулав. Мөн Шинь шинь ХХК-ийн монгол ажилчдыг хариуцсан ерөнхий менежер Ж.Ёндонжамц, Тавнын Мэнэн агро ХХК-ийн талбайн менежер н.Шарав нар компанийнхаа танилцуулга, үйл ажиллагааны талаар мэдээлэл өгч, иргэдийн асуултанд хариулт өгч ажиллалаа.